Sosyete Powèt Kreyolofòn

décembre 21st, 2010

Fortestson ‘Lokandya’ FENELON

Poster par spcreolophone in Uncategorized

lokandya.jpgFortestson ‘Lokandya’ FENELON fèt 2 fevriye 1982. Li se powèt, komedyen, jounalis, metè-an-sèn, dizè, desinatè.
Li kolabore ak plizyè asosiyasyon kiltirèl nan peyi li. Li te responsab seksyon kiltirel radyo Signal FM. Li te redaktè jounal Le Nouvelliste, Le Matin, Bèlvag…
Li jwe nan plizyè pyès teyat tankou « Monsieur de Vastey » René Philoctète, « Foukifoura » Franketienne sou direksyon Daniel Marcelin. Kèk nan tesk li yo jwe nan « Vendredi litteraires de l’Université Caraibes », « Petit Conservatoire ».
Fortestson ‘Lokandya’ FENELON ekri an fransè e an kreyòl. « Nuits à deux battants », « Pwent tete solèy » se de liv powèm otè a pibliye deja. Li ap viv Floride, USA.

Jou lanmò

Se pa eskandal piblik
moun pran lari
se pa manifestasyon non plis
tout sèkèy pran lari
van chanje kadans
solèy mouri nan fron m
larivyè debòde sou lanmè
nanm lanmè pati
manmb latè febli
Wòch pote nouvèl bay tonbo
yon disip file
jou lanmò m
tout simityè ap pran lari

Eleksyon

Tout moun nan ran
se pa manje k ap bay
se jou eleksyon
gwo elèktè ti elèktè
elektè pil sou pil
yon bann aganman
blayi pòtre yo sou mi peyi a
mi kriye tankou ti-bebe nan bèso
Lari bwote elektè
lari pran kriye tankou ti bebe menm jan
dlo nan je charye figikandida jete nan lanmè
lanmè sezi
lanmè pran kouri
gwo sezisman
Anvan jounen an mouri
tout bilten pann tèt yo

Tete’w

Nan pwent tete w
tout manti fè fon
venn nan kò w
se chimen
ki mennen dwat nan panse gayak
ou se solèy mwen
nan pwent tete w
vi a bay randevou
vi a monte pye bwa

Dèy

Yon zetwal file
de file
twa file
yon latriye file
souf nou pa sispann kwaze nan gran chimen

chak bò lari pòtòprens
nou kase randevou ak souf nou
nou kase randevou ak lanmou
nou kase randevou ak lanmò

Pa bò isit
bay solèy la dlo nan je
moun di lanmò bonjou nan fason pa yo

Chak revèy sonnen
yon lè lanmò sonnen
Tak, tak, tak, tak, anmweeeeeee
Rèl la kreve almanak
yonn
de
twa
yon latriye deja pran kanntè
yo pati
yo pati byen lwen kite zile-a
yo pati
yon bann pati
yon bann ak yon pakèt pati
tout sèkèy pran lari
tout lanmò pran lari
chak jou ki tanmen se yon dèy simityè

décembre 21st, 2010

Emmanuel Vilsaint-Veguy

Poster par spcreolophone in Uncategorized

emmanuel.jpg, ap mennen depi lane 2003 yon vwayaj nan pwezi, sinema ak teyat. Aprè etid li nan Pari XIII, Inivèsite literati etranje, li retounen pou Konsèvatwa (Kote li al aprann, ekri, mete sou sèn ak jwe teyat), nan Satie Erik nan  setyèm (7èm) awondisman vil Pari an Frans . Li ekri nan Lang Ayisyen an  ak nan lang Frans. Tankou tout powèt kreyatè, li se youn ki pran plim li poul pwopoze yon alyans ant tradisyonèl ak nouvèl fòm eskpresyon literè tan sa a. Jodi a, li kontinye ekri pandan l rete fidèl nan bon jan ankadreman. Premye koleksyon powèm li ekri nan lang Ayisyen an gen pou tit “lonbray moun pèdi lanmò” ki te sòti nan mwa Oktòb 2010 la.

Ou bèl

Mwen gade’w devan
Mwen gade’w dèyè

Mwen gade’w adwat
Mwen gade’w agòch

Mwen gade’w delwen
Mwen gade’w depre

Toude grenn zye’m mache pati
Kite tèt mwen pou al mouri nan pa’w

Toude grenn zye’m pa pou mwen

Ilan ilan soti nan bouch mwen pou pale
Koze fant tete’w
- kote lavi ap viv pou tout tan gen tan-

Rèv pa’m se antre anndan dlo kò’w
pou glise desann jouk nan kwis ou

Ou bèl
Ou bèl

Ou se syèl avèk la tè
Tout sa m renmen
Tout sa ki fè’m rete bèkèkè
Tout sa ki fè’m reviv lè’m fin mouri
Tout sa ki fè’m kanpe, kanpe byen rèd !

Ou fout bèl !

Wonnkilèsakole

Timoun patat timoun ma labou
timoun bak machann pye tiwèl
manje kwit nan kalfou san manman
boulva twèl sire dòmi lannwit

Timoun koridò brik a brak
grès kochon lamanjay mouch
malkadi kaka san savon
maladi chirepit tripotay marengwen

Timoun pinisyon levasyon
lamizè nan sak lekòl
aritmetik pou tèt
franse pou djòl
baka loreya sou channmas

Bèl rèv anba ban
bèl koze politik trennen moun lagonav
bèl lespwa bokit dlo san twòkèt
mobilizasyon dwèt lonng

Timoun granmoun jodi demen
fistibal trip nan men
lari pòch kanson chire
batistè pè savann kominyon lèzany
maryaj antere gran simityè  

 

décembre 20th, 2010

Stanley BASTIEN

Poster par spcreolophone in Uncategorized

stanley-bastien.jpgNèg pòtoprens natif natal, jèn powèt, komedyen, Stanley BASTIEN fèt lan lane 1987, li etidye Lèt Modèn lan Inivèsite Leta Dayiti Lekòl Nòmal Siperyè, li se etidyan lan Mastè Literati ak Filozofi lan Inivèsite Pari 8 peyi Lafrans. ‘’Wòl Pawòl’’ se premye Rekèy powèm li pibliye. “Lapèsòn”, “Lòsyè dife”, “Accent aigu” se lòt rekèy powèm li gen lan djakout powezi l.

1*

Pòtoprens !vil Akwochay.

PòtoprensBlayi sou do

Vil laVale dlo bouch li.

Vil laplenn yon pitit san papa.

2*

PòtoprensTounen lekòlVil pòtoprensAp li nan silabè.

PòtoprensEnneyenPòtoprens DefwadePòtoprens A e i o.

Vil pòtoprensPran kanèLi pa pase.

3*

Latè woulel’boule lavi.Lavi boule l’bay sant,l’ bay sann,sann difedife boule.Yo di mizè latè fini.

Gad nan syèlpa di kichòymen gad adwat,gad agòchna va pran lachoz anmen.

décembre 19th, 2010

Pwezi Kolektif

Poster par spcreolophone in Uncategorized

Pwezi Kolektif

Senkè

Nanm mwen fèt

Demenm vole ak kòm

Lè Charye van

Peyi chire tèt anba

Ansanm nou vid

Chapo

Chen met chapo

yon lakansyèl pike

Nan tòde solèy

Lavi san lasi

Twou won san fon

M’manje kèm

Rèv kraze tan

Zòrèy sispann kònnen

Mòn kole a krache

Soulye san lasèt

Tou lwèz

Ansanm 

Solèy la ap kriye san bote

Li fann tout fanm de moso

M pote tèt mwen

Poum karese tabatyè kè

De jem pete

Peyim an komokyèl

M pèdi tèt mwen nan yon liv kap kouri

Lang gaye sou nat

De menm pandye

E se konsa mizik la kòmanse

décembre 19th, 2010

Elysée DESTIN

Poster par spcreolophone in Uncategorized

elizee.jpgElysée DESTIN, se yon jèn powèt Ayisyen ki fèt nan depatman Lwès peyi a, komin Kafou nan dat 16 Me 1987. Li pran plezi l nan ekri an kreyòl epitou an franse. Li renmen deklame tou. Powèt Elysée ap etidye Syans Sosyal (Istwa) nan Lekòl Nòmal Siperyè (Ecole Normale Supérieure), anplis Sèvis Sosyal nan Fakilte Syanzimèn (Faculté Des Sciences Humaines). 

  MISYON

      Lank plim mwen

      Se zegui k ap koud mo

      Pandan jakmel ap ri

      Tankou asyèt fayans k ap kraze

     

      Depi lè jakmèl tonbe ri

      Se konsa richès li pran gonfle

      Sou w konn lalin ki jwenn fòm zoranj

     

      Lank plim mwen

      Se pou file bèl mo

      Pou koud nan lonè jakmèl

      K ap griyen dan l byen gra

      Pou kenbe eskanp pantalon Ayiti

      Pou dechouke mepri ki choukonnen pase n

      Ki tankou grenn piman

      Pou angrese avni an lakansyèl

      Kon w lanmè ki anpèdisyon.

                LOJIK

         Anba kout batwèl

         Lavi k ap degwosi

         Demen Ayiti pare pou boujonnen

         Douvan pòt simityè dezespwa

         K ap fè l filalang

         Yon miray fènwa bouche je l

         Ata respirasyon l tounen pwazon

         Lè l ap pase

         Nan espas fant janm

         Pye jennen divizyon

         Sanble rad lavi Ayiti

         Se ak pikan sèlman l te koud

         Lè l t ap rapyese chans libète

         Lè je nèg t ap pise san

         Nan je revolisyon.

        Nan lavi

        Gen yon nich foumi pikan

        K ap zongle kò alèzte

        Anndan je chak foumi gen lò

        Men ak ki je wa wè zisye foumi

        Je anpil pasyan souvan bouche

        Ak pousyè dezespwa

        Lè yo pran direksyon mòn an falèz koridò

        Pafwa lavi respire tankou kayiman

        Pafwa tankou ti van k ap leve

        Li bwote ak je l

        Yon lanmè pot bay tristès

        Anvan l lage yon ti pwason woz nan vant li

        Pou fè vag lanmè kadanse

        Ak yon fòs lajwa

        Si m rele aba lavi

        Se okasyon m bay lanmò pou betize m

        M pito lavi betize m

        La kite m anvi lè l vle

        Lè l fin banm dan myèl la

        La banm siwo a

        Yon bravo va bat an lonè m

        Se sèl boul lò Bondye bay kò

        Pou konsève bon lodè li

        Nan akouchman kreyasyon n

        Rèv mwen yo toujou vivan

        Toutotan lavi poko fè vè

        Nan silans tout pwojè k ap dòmi

        Lè lannwit anbrase l nan wout.

           

décembre 16th, 2010

Anderson Dovilas

Poster par spcreolophone in Uncategorized

anderson.jpgAnderson Dovilas, Se Powèt jan tan an boloze, eskiltè van kap mennen lavi. Li. Fèt nan  Pòtoprens  02 jiyè 1985. Li se Etidian nan Inivèsite Leta Ayisyen an, Fakilte  Etnoloji (Epsikoloji) ak Fakilte Lengwistik Aplike. Powèt-militan, li ekri nan lang Fransè ak nan lang Ayisyen an. Li te konn prezante yon emisyon kiltirèl nan radyo « MagHorizon Saut-d’eau » (Platosantral), nan lane 2009 lite fè prentan powèt ak kèk lòt kolaboratè nan  « Médiathèque de l’institut Français d’Haïti ». Li se manm Atelye Kreyasyon « Marcel Gilbert » ki fèt nan Bibliotèk « Justin Lhérisson » kafou, Li menm ak kèk lòt etidyan te fonde yon asosiyasyon yo rele SUMEV pou te pote sipò yo bay etidyan ki te viktim nan tranbleman tè a. Li se aktyèl Direktè Fondatè « Sosyete Powèt Kreyolofòn ». Tèks li yo parèt nan jounal ak revi an Ayiti, an frans an Roumani elatriye.

Nan lane 2009 li pibliye de liv se : « Les Iles en Accent Aigu » an Frans ak « Le Chasseur Abstrait Editeur », epi « Pwèl nan Zo » ki te pibliye au Canada ak Edisyon Lagomatik. Li patisipe nan plizyè Antoloji tankou : « Pour Haïti », avèk Suzane Dracius Edisyon DESNEL ak « Poètes pour Haïti », Avèk Dana SHISHMANIAN. Epi tèks li yo tradwi an Roumani pa Marilena Lica-Masala ak Anglè pa Katherine Darton.  Poète-komedyen  fè espektak nan lari se pi gwo pasyon l.

Move tan…

               

Lapli ap ramase dlo je

                Tan an pare

                San linèt

                Lawouze kilbite

                Sou twotwa

                Tout fòs vannen

                Nan move pòz

                Limyè limen san

                San bonnanj

                Nou kriye wotè

                Jou nap mouri

                Lè tout rèv san revè

                Vwal pa wout

                Nou ka pran

                Pou sere nanm

                Lè solèy la leve

                San koulè

                Tout timoun se mitrayèt

Lorèn…

               

Lorèn gon emisyon

                Nan pwent tetel’

                Pòs radyo a nan menm

                Lè map fiksel’

                M’ branchel’ sou bouch mwen

                San repòtaj

                Pou zanmim kap koutem’

                Nan powèm sa a

                Pa mandem ki frekans

                Mwen se sèl oditè

 

Depouyoun…  

Tèt mwen pou lachas
Pye m’ pou katedral
Balanse map Balanse
Nan pwen pon pou m’ Karese w
Map panse
Map mache
Koridò lavi
Son solis siprèm
Men nan men ap konpoze





  • Monthly

  • Blogroll


  • Créer un Blog | Nouveaux blogs | Top Tags | 13 articles | blog Gratuit | Abus?